السلام عليكم ورحمة الله وبركاته

كما وعدت بالسابق بوضع تعليقات الأخوة الذين استلموا طلباتهم ليوم الجمعة

التعليق رقم1

___________________________________________

السلام عليكم

كان طلبي مربين كويتي مع المكدوس

والحلى أم علي بالشكولاته الداكنه

بالنسبه للمربين: ما شاء الله تبارك الله, الرز والربيان والبهارات ممتازه ومضبوطه, وما انسى حمسة البصل بالدهن العداني على الوجه, من جد معطيه خوش طعم للأكله.

وبالنسبه للحلى: أم علي بصراحه ما توقعتها كذا, نفس طعمها من مطاعم اللي بالديره, وحركة الكروسان بصراحه عجيبه ومعطيتها طعم أحلى, وأيضاً فكرة استخدام الشكولاته معها, حلتها زيادة على حلاة الأكله.

بالأخير, بصراحه شغل راقي ونظيف ويعطيك الف عافيه على أكلك يا ابو شملان

انصحكم تجربون الأكلتين هذي بصراحه لذيذه, أيه نسيت ولا تنسون تطلبون المكدوس خطير طعمه مع الرز.

I'm hunger for more Kuwaitian dishes.

___________________________________________

التعليق رقم 2

___________________________________________

اهنيك على الفكرة اخوي عبدالرحمن, خوش اكل كثر الله خيرك...ـ


بس مجرد اضافة, ليش ما تضيف كيكة بالكاكاو؟


لكن كل شي ماشاء الله عدل,,,
الى الامام يابطل

___________________________________________

جزاكم الله ألف خير على هالكلام الطيب
و إن شاء الله يكون الأكل عجبكم و اللي أهم من الأكل هو الخدمة والنظافة

وبالنسبة للتعليق الثاني: كيكة الكاكاو بإذن الله راح اضيفها

أشكركم مرة ثانية من القلب

اخوكم : عبدالرحمن